21 февральдә дөньякүләм туган тел көне билгеләп үтелә. ЮНЕСКО тарафыннан игълан ителгән әлеге халыкара бәйрәм дөньядагы телләрне саклау, аларны киләчәк буынга исән-имин җиткерү макстатыннан оешты. Бүгенге көн безнең мәктәптә "Иртәнге сәлам" акциясе белән башланып китте. Укучылар һәм укытучылар сыныфташлары, дуслары һәм хезмәттәшләре белән татарча исәнлештеләр, бер-берсен сәламләделәр. Беренче дәрестә мәктәп китапханәчесе Школина Т.Ф. 4 В сыныфында "Халыкара туган тел көне" китапханә дәресен үткәрде. Укучылар тел турында шигырьләр сөләделәр, кечкенә театр оештырдылар  һәм "Белгечләр" конкурсында тел белемнәрен тикшерделәр. Икенче дәрестә 1 нче сыйныф укучылары "Кем нәрсә кигән?" уенын уйнадылар. Бу чараны директор урынбасары Фонакова Л.Р. оештырды. Укучылар Татарстанда яшәүче милләтләрнең милли киемнәре турында кызыклы мультфильм карады, төркемнәргә бүленеп курчаклар киендерделәр, үзләренең милләтә карый торган кием элементларын сайладылар һәм милли киемнәр раскраскаларын буядылар. Өченче дәрестә 2В сыйныфында, класс җитәкчеләре Хабибуллина А.И. "Телем минем-дустым минем" туган тел дәресен үткәрде. Укучыларга  биш милләт вәкилләре кунакка килеп туган телләрендә кызыклы мәгълүмат җиткерде. Дүртенче- бишенче дәрестә башлангыч сыйныфларда  "И туган тел, и матур тел..." исемендәге бик күңелле һәм матур шигырь укучылар бәйгесе узды. Көн ахырында озынайтылган көн төркемнәрендә төрле милләт телләрендә мультфильмнар һәм видеороликлар  күрсәтелде.