Татарстан Республикасы  Бөгелмә районының Кодаш авылында   Татарстан Республикасы  Фәннәр Академиясе  Г. Ибраһимов исемендәге Тел, әдәбият һәм сәнгать институтының халык иҗаты бүлегенең әйдәп баручы фәнни хезмәткәре, филология фәннәре докторы Л.Х. Дәүләтшина (төркем җитәкчесе), халык иҗаты бүлегенең баш фәнни хезмәткәре, филология фәннәре докторы Л.Х. Мөхәммәтҗанова, ареаль лингвистика бүлегенең өлкән фәнни хезмәткәре, филология фәннәре кандидаты А.Я. Хөсәенова, Сәнгать белеме үзәгенең фәнни хезмәткәре А.К. Җәләлеева, Язма мирас үзәгенең фәнни хезмәткәрләре А.Н. Хәсәнова һәм В.М.Усманов составындагы  төркем  белән кызыклы очрашу  булды.

Галимнәр авылның өлкән буын кешеләре белән  татар халкының милли-мәдәни мирасы, аның тел үзенчәлекләре, халык иҗаты, сәнгате, музыкасы, археографиясе турында сөйләштеләр.  Алар Кодаш төп мәктәбенен  Туган якны өйрәнү музеенда булдылар һәм бик бай, кызыклы  материаллар  тупладылар.