Безнең тыныч тормышыбыз, күгебез аяз булсын өчен сугыш кырларында гомерләре өзелгән каһарманнарыбызны онытырга беркемнең дә хакы юк! Бөек Ватан сугышының дәһшәтле, фаҗигале көннәре елдан-ел ераклаша барса да, ул коточкыч вакыйгаларны без буыннан буынга тапшырырга тиеш.  Әхлаки-патриотик тәрбия айлыгын кечкенәләр  “Онытырга безнең хакыбыз юк!” дип исемләнгән презентация караудан башладылар.Әлеге материалларга нигезләнеп, безнең якташларыбыз – Газинур Гафиятуллин, Муса Җәлилнең сынмас рухлы, үз Ватанына, халкына, гаиләсенә тугрылыклы булулары татар халкын гына түгел, дөнья халкын баш ияргә, горурланырга мәҗбүр иткәнлеген балалар күңеленә җиткерергә тырыштык. Кызганычка каршы дөньяда әле сугышлар чыгып тора. Сугыш – ул күз яше, үлем, ачлык, ялангачлык, югалту. Үл берсен дә, хәтта оныкларны һәм балаларны да кызганмый...