Безнең балалар бакчасында яңа елга багышланган кул эшләре күргәзмәсе узды. Бу күргәзмәдә ата-аналар, кечкенәләр һәм өлкәннәр төркеменә йөрүче балалар бик теләп катнаштылар. Ата-аналар үзләренең фантазияләрен “җигеп” төрледән- төрле, матурдан- матур поделкалар  ясадылар. Бу күргәзмәдә йон җептән бәйләнгән, пластмасс шешәләрдән ясалган кар бабайларны, төсле кәгазьләрдән, мишуралардан һәм конфетлардан ясалган чыршыларны, тозлы камырдан пешерелгән  яңа ел сәгатьләрен, төрледән- төрле материалдан эшләнгән эшләрне күрергә була иде. Бу эшләр яңа ел бәйрәмен тагын да матурлап, ямьләндереп , күңелләрне күтәреп җибәрде. Һәрбер әти- әниләрнең, балаларның осталыгын күреп сокландык.

Күргәзмәдә катнашкан барлык әти-әниләргә, балаларга бик зур рәхмәтебезне җиткерәбез. Киләсе яңа елларда да актив катнашуыгызны теләп калабыз.