Баланың тормышы гаиләдән башлана. Гаилә ул – мәхәббәт, хөрмәт, җылылык, бер – береңә бәйле булу. “Тату гаилә” атаналыгында кечкенәләребез белән гаиләдә яшәүчеләрнең исемнәрен әйтергә өйрәндек, зурларның гаиләдәге ролен, аларның бер – берсе турында кайгыртып, яратып яшәвен ачыкладык. “Минем гаиләм”, “Серле чәчәк” һәм бармак уеннары аша әти – әниләрне, туганнарны  яратырга, хөрмәт итәргә, гаилә белән горурланырга, шатланыргы өйрәндек.  Конструктордан һәрберебез үзе яшәгән йортны төзеп, туган авылыбызны ясап уйнадык. Уен аша Кодаш исемле авылда яшәгәнебезне ныгыттык.