Һәркем өчен дөньядагы барлык телләр арасында иң кадерлесе- тәүге кабат сөйләшә башлаган ана теле. Бу — безнең балачагыбыз, гаиләбез, җәмгыятьтәге беренче тапкыр аралашуыбыз теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез.
   Без кечкенәләр төркемендә туган телгә мәхәббәт уяту һәм үстерүне максат итеп һәм халыкара туган тел көне турында мәгълүмат бирүне,  туган телнең  матурлыгын тоярга өйрәтүне, телебезне сакларга һәм якларга кирәклеген төшендерүне,  сәнгатьле сөйләү күнекмәсен, халык авыз иҗатын сөйләмдә куллана белүне,  җырлау hәм бию күнекмәсен үстерүне бурычлар итеп алдык.

   Беренче булып әти-әниләргә “Туган телдә сөйләшәбез” стендын  кирәклн мәгълүмәт белән баеттык. “Туган телдә – өйдә дә, бакчада да”- күчмә папкалар, шәхси әңгәләр оештырдык. Кечкенәләребез белән Г.Тукайның иҗаты буенча  татар телендә эшләнгән “Туган тел”  мультфильмын карап, җырларга өйрәнәбез. Нәниләребез  “Зәңгәр чәчәк”, “Мәликә”, “Түбәтәй” җырлы - биюле уеннарны бик яратып уйнадылар. Туган як әкиятләрен сөйләргә өйрәнү эшләре алып барылды. Үз телебездә мультфильмнар карау үзе зур бер шатлык.

    Киләчәктә дә әти-әниләр һәм балаларда ана телебезгә хөрмәт тәрбияләп, үз телебездә яхшы итеп аралаша белүче шәхесләр тәрбияли алсак иде дигән теләктә калабыз.