Мәктәпнең традицион тәрбия чараларына тугры калып, быел да Нәүрүз бәйрәмен үткәрдек. Бәйрәм Нәүрүз көненең тарихын искә төшерү белән башланды. Нәүрүзбикәнең монда килүе ямь өстәде. Бәйрәм мәктәп ишегалдында милли уеннар белән үтте. Ә иң көтеп алганы, мөгаен, коймак белән самавырдан чәй эчү булгандыр. Һәркемнең йөзендә елмаю, канәгатьләнү хисе чагылды.

      Һәр бәйрәмнең үз тәртибе, гореф- гадәтләре, кыйммәте бар. Татар халкының милли йолаларын кечкенәдән үк балаларга аңлатсак, бергәләп үткәрсәк, буыннар арасында дәвамлылык, миллилек хисе югалмас. Алар, һичшиксез, үз телләрен, рухи байлыкларын саклаучылар булып үсәр дип ышанам.