Мәгариф идарәсе планы нигезендә “Татарстан Республикасы дәүләт телләре һәм Татарстан Республикасының башка телләр турында Татарстан Республикасы Законының үтәлеше” дигән темага мәгариф оешмалары җитәкчеләренең семинар-киңәшмәсе узды. Мәгариф идарәсе башлыгы урынбасары Мәхмүтова Ф.Т. мәгариф оешмаларында бу Законның үтәлешенә анализ ясады.

Аерым фәннәрне тирәнтен өйрәнүче  5 нче урта мәктәп директоры  Гобәйдуллин И.Ә. үз мәктәбендә милли мәгарифнең үсеш нәтиҗәләре белән таныштырды. Акбаш төп мәктәп директоры Г.К.Мадъярованың чыгышы татар теле һәм әдәбиятын укытуның нәтиҗәлелегенә анализ һәм контрольлек итү торышы турында булды.

Киңәшмәдә Бөгелмә муниципаль районы мәгариф оешмаларында 2014-2020 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү буенча Татарстан Республикасы дәүләт программасын тормышка ашыру планы нигезендә 2014 нче елның декабренә агымдагы елга нәтиҗәләр ясарга, 2015 нче елга планнарны конкретлаштырырга   дигән тәкъдим кабул ителде.