1 нче мартта Бөгелмә шәһәренең 2нче лицеенда  Россия Федерациясе Башкортстан Республикасы Бишбүләк районы мәгариф оешмалары белән хезмәттәшлек итү планы нигезендә  “Татар теленнән яңа белем бирү стандартларын гамәлгә кертү шартларында заманча укыту – методик комплексын куллануга эшлекле якын килү” темасына төбәкара семинар уздырылды. Семинарда  Бишбүләк районы  татар теле һәм әдәбияты  укытучылары, Бөгелмә шәһәре мәктәпләренең милли мәгариф буенча директор урынбасарлары катнашты. Укытучылар ачык дәресләрдә  булдылар,түгәрәк өстәлдә эш тәҗрибәләре белән уртаклаштылар . Семинар Бөгелмә муниципаль  районы һәм Бишбүләк районы мәгариф хезмәткәрләре   арасында Килешүгә кул кую  белән тәмамланды.