21-25 ноябрьдә Татарстан дәүләт театрлары базасында «Сәйяр» республика балалар яшүсмерләр театрлары фестивале булып узды. Бөгелмә районының Карабаш бистәсенең 2 нче мәктәбенең театр коллективы Әлмәт шәһәрендә зона этабында  катнашып кайтты. Бәйге ТР Мәгариф һәм фән министрлыгы тарафыннан балаларда татар халкының рухи мирасына сакчыл мөнәсәбәт формалаштыру максатыннан, «2014-2022 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын тормышка ашыру кысаларында үткәрелә. Фестиваль җиңүчеләрен һәм призерларын бүләкләү тантанасы 5 декабрьдә К. Тинчурин исемендәге Татар дәүләт драма һәм комедия театрында узачак.