“Сөмбелә” – татар халкының иң гүзәл бәйрәмнәренең берсе.Бу көзге бәйрәм, уңыш бәйрәме.. Җитен чәчле, зәңгәр күзле, зифа буйлы, сүзгә оста, эшкә уңган кызны Сөмбелә дигәннәр. Шул уңайдан Бөгелмә шәһәре 16 нчы урта мәктәбенең туган тел укытучылары10, 11нче октябрь көннәрендә “Сөмбелә” бәйрәмен уздырдылар. Бу бәйрәмдә 1-8 нче сыйныф укучылары бик теләп катнаштылар. Укытучылары Фәридә Фәрит кызы, Гөлнара Фәрит кызы, Румия Рубит кызы һәм Мәрьям Масгут кызы укучыларны татар халкының гореф-гадәтләре, милли бәйрәмнәре белән таныштырдылар. Укучылар да бәйрәмгә багышлап шигырьләр сөйләделәр, төрле конкурсларда, уеннарда катнаштылар, теләп татарча-русча җырлар җырладылар, татар көенә биеделәр.