"Мәктәпкә әзерләнергә булыш - 2019" XVIII Республика хәйрия акциясенә Татарстан Республикасы Президенты тарафыннан старт бирелде. Бу акция безнең Бөгелмә районында да оештырылып, киң колач алды.Районыбызда яшәүче, мохтаҗларга карата игътибарлы, ярдәмчел, мәрхәмәтле, киң күңелле кешеләр бу акциягә бик теләп кушылдылар."Мәктәпкә әзерләнергә булыш!" акциясе барышында мәктәпкә кирәк-яраклар алу өчен акчалата, мәктәп формасы, спорт костюмы, уку әсбаплары белән ярдәм итүчеләргә зур рәхмәт.Әлеге чарада актив катнашып, үзләренең өлешләрен керткән һәрбер кешегә ныклы сәламәтлек, озын гомер телибез. Саваплы гамәлләрегез үзегезгә меңе белән әйләнеп кайтсын. Балалар өчен мондый чаралар гомер буе күңелендә калачак матур хәтирә генә түгел, тәрбияви яктан да әһәмияте зур.