Мәгариф идарәсенең милли бүлеге Бөгелмә шәһәренең  6нчы урта мәктәбендә “Федераль дәүләт гомуми белем бирү стандартын гамәлгә кертү шартларында татар теле һәм әдәбияты дәресләре” темасына семинар үткәрде. Семинар барышында мәктәпнең татар теле һәм әдәбияты укытучылары мастер – класслар  күрсәтеп, үзләренең эш тәҗрибәләре белән уртаклашты. Укыту процессын активлаштыручы чаралар буларак информацион һәм коммуникацион технологияләр, уен технологияләре кулланылды. Татарстан Республикасы Мәгарифне үстерү институтында курсларда  катнашкан  педагоглар  проект яклау үзенчәлекләре турында сөйләде.  Аеруча “Газиз туган телем...” интеллектуаль уены барлык укытучылар күңеленә хуш килде. Семинарда катнашучылар мондый чаралар күбрәк булсын иде дигән теләктә калдылар.