Россия Федерациясе регионнарында яшәүче татарлар белән хезмәттәшлек итү планы нигезендә 14 нче апрель көнне Карабаш 2 нче урта мәктәбендә “Заманча белем сыйфаты: таләпләр, бәяләмәләр, нәтиҗәләр” төбәкара семинар уздырылды. Кунаклар ачык дәресләрдә, мастер-классларда, методик ярминкәләрдә Карабаш укытучыларының эш тәҗрибәсен уртаклаштылар, түгәрәк өстәлдә татар телен укытуда актуаль фикер алыштылар. Әлеге очрашудан һәр ике як та: кунаклар да, кабул итүчеләр дә канәгать калды.