21 нче февраль – Халыкара туган тел көне. Шушы бәйрәм уңаеннан Бөгелмә шәһәренең 1 нче номерлы урта мәктәбендә Муса Җәлил шигырьләрен уку бәйгесе узды. Бәйгедә шәһәребез һәм район мәктәпләреннән 1-8 нче сыйныф укучылары катнашты. Мәктәп укучылары патриот шагыйребезнең әсәрләрен татар телендә яттан сөйләделәр. Җиңүчеләр башлангыч һәм 5-8 нче сыйныф укучылары арасында билгеләнде. 1-4 нче сыйныфлар арасында 3 нче урынга - 14 нче татар гимназиясенең 3 нче сыйныф укучысы Шәйгарданова Лиана (укытучысы – Гафиятуллина Рушания Әхәт кызы), 2 нче урынга  - 3 нче мәктәптән 3 нче сыйныф укучысы Галимов Мурат (укытучысы – Галимова Рәзилә Ринат кызы), 1 нче урынга Татар Димскәе мәктәбеннән Фәйзуллина Ләйлә (укытучысы – Фәйзуллина Ландыш Җәмилевна) лаек булды. Урта сыйныф укучылары арасында 3 нче урынны 14 нче татар гимназиясе укучысы Исламгирова Илүзә (укытучысы – Сөнгатуллина Гөлназ Фәнилевна) алды. 2 нче урында Татар Димскәе укучысы Гыйләҗева Алинә (укытучысы – Галләмова  Сәрия Мөкатдисовна), 1 нче урында 5 нче мәктәптән Гыйльманов Вилдан (укытучысы – Харисова Рәйсә Сабит кызы). Бәйгедә катнашкан барлык укучыларны, аларны әзерләгән остазларын бәйрәм белән чын күңелдән котлыйбыз, иҗади уңышлар телибез.