3 нче декабрьдә 14 нче татар гимназиясендә Сәләт клубы беренче “SPELL BATTLE” интеллектуаль-күңел ачу уенын уздырды. Укучылар өч телдә: татар, рус, инглиз телләрендә көч сынаштылар. Уенда 3 нче, 5 нче, 13 нче, 14 нче, 18 нче мәктәп һәм лицей-интернаттан командалар катнашты. Кичә башында “Сүзне хәрефләп әйтүнең нинди авырлыгы бар инде?” дигән фикердә булган катнашучулар үз фикерләрен үзгәртте, ә үз мәктәпләре өчен җан атып, укучылары өчен борчылган укытучылар,  “SPELL BATTLE” уенын мәктәп күләмендә дә үткәрергә кирәк дигән фикер белән таралыштылар. Җиңүче дипломына 14 нче гимназия укучылары лаек булды. Лицей-интернат һәм 3 нче мәктәп укучылары бик аз гына калыштылар. Барлык командалар да грамоталар белән бүләкләнделәр.