Мәгариф идарәсенең Россия регионнары белән хезмәттәшлек итү планы нигезендә   февральдә бер төркем татар теле укытучылары  татар шагыйре Фатих Кәримнең туган авылы Башкортостанның Бишбүләк районы Ает авылында инде традициягә әйләнгән "Фатих Кәрим укуларында” катнашты.

           Бу чарада  Бөгелмә һөнәри педагогия көллияте укытучысы Каюмова Фирая Галимулла кызы, Фатих Кәримнең "Пионерка Гөлчәчәккә хат" шигырен сөйләп, беренчелекне яулады.,  3 нче урта мәктәп укытучысы Сафина Лилия Наил кызының уңышлы чыгыш ясавы да мактауга лаек.  Мәктәп газеталары конкурсында  да беренчелекне шәһәребезнең 5 нче мәктәп коллективы яулады. 8нче мәктәп укучылары презентацияләр номинациясендә призлы урынга лаек булды,ә Подгорный мәктәбе укучысы Галимҗанов Булат эзләнү эшләре номинациясендә чыгышы өчен Грамота белән бүләкләнде. Активлык буенча да Бөгелмә укучылары һәм укытучылары беренчелекне яулады. Афәрин, бөгелмәлеләр!