Бүген 22 нче май көнне мәктәптә "Соңгы кыңгырау" бәйрәме булып узды. Бәйрәмдә әти-әниләр, укучылар, укытучылар һәм килгән кунаклар катнашты. Район авыл хуҗалыгы һәм азык-төлек идарәсе начальнигы Талипов Альберт Мәгсүмович, авылыбыз җирле үзидарә башлыгы Насибуллин Мәхмүт Шәйхуллович укучыларны бәйрәм белән котладылар, уңышлар теләделәр. 1 нче, 9 нчы сыйныф укучылары җыр һәм шигырьләр аша укытучыларга, мәктәпкә булган рәхмәтләрен җиткерделәр. 9 сыйныф укучыларына уңышлы итеп экзаменнарын биреп, аттестат алуларын телибез.

8 май көнне Татар Кандызы авылында, Бөек Җиңүнең 76 еллыгына багышланган тантана узды. Мәктәп укучылары һәм укытучылар, авыл халкы һәр ел саен сугыш батырларын искә алу өчен авылыбыз уртасында урнашкан Һәйкәл янына җыелдык, әлеге көннең мөһим булуын һәм күңелләребездә һәрвакыт саклануын исбатладык.
 

22 апрель Татар Кандызы мәктәбендә татар теле укытучыларының регионара семинарын уздырдык. Анда Башкортостан, Оренбург өлкәсе һәм Баулы районы укытучылары, мәктәп җитәкчеләре, методистлар катнашты.
Семинар бик оешкан төстә үтте. Беренче өлештә ачык дәресләр күрсәтелде. Укытучылар үз тәҗрибәләре белән уртаклашты. Икенче өлештә авылдашыбыз, шагыйрь Рәшит Әхмәтҗановка 80 яшь тулу уңаеннан искә алу кичәсе үткәрелде. Кунаклар икмәк музеенда, картиналар галереясенда экскурсиядә булдылар.

18 нче март Баулының бишенче санлы "Бәләкәч" балалар бакчасында "Татар кызчыгы-2021" район бәйгесе узды. Конкурста авыл һәм шәһәр балалар бакчасыннан барлыгы 11 кечкенә кыз катнашты. Бәйгедә Татар Кандызы мәктәбенең мәктәпкәчә яшьтәге балар төркемендә тәрбияләнүче Муллаянова Кәмилә Булат кызы катнашып "Иң нәни кыз" номинациясендә җиңүче булды.
Бәйгегә әзерләүче җитәкчеләребез: Закирҗанова Тәнзилә Мөхәммәтнур кызы һәм Кашапова Роза Шәдит кызы. Бик зур рәхмәт.

6 нчы март мәктәптә “8 нче март-Халыкара хатын-кызлар көне”нә багышланган «ЯГЕЗ ӘЛЕ, КЫЗЛАР !» конкурсы булып узды. Ярышта 2 - 9 нчы сыйныф кызларыннан торган «ГӨЛЛӘР» һәм «ЯЗ» командасы катнашты. Көчләр тигез булып чыкты. Дуслык җиңде. МОЛОДЦЫ !

Классный руководитель 2 класса, Муллаянова Румия Рамилевна стала победителем в номинации «Педагогический дебют» муниципального этапа республиканских конкурсов профессионального мастерства «Лучший работник сферы воспитания и  дополнительного образования детей», МБОУ «Татарско-Кандызская ООШ». Поздравляем!

20 нче февраль көнне Баулы шәһәренең 2 нче санлы спорт мәктәбендә волейбол ярышлары булып узды. Безнең Татар Кандызы мәктәбенең волейбол командасы авыл мәктәпләре арасында 2 нче урынны яулап алды. Молодцы егетләр!!!
Команданы ярышка әзерләгән физкультура укытучыбыз
Фаат Хәйдәровичка зур рәхмәт! Алдагы көннәрдә Сезгэ исәнлек –саулык, тагында зур унышларга ирешуегезне телибез.

Татар Кандызы мәктәбенең 8 сыйныф укучысы Сафин Рәйхан, биология фәне буенча Баулыда уздырылган район укучылары олимпиадасында җиңеп, Казанда республика укучылары олимпиадасында катнашты.  Котлыйбыз! Алдагы көннәрдә тагында зур уңышларга ирешүегезне телибез. 

Татар Кандызы мәктәбенең башлангыч сыйныф укытучысы Хөсәенова Рәзимә Илтизәр кызы “Ин яхшы татар теле һәм әдәбияты укытучысы - 2021” Бөтенроссия бәйгесенең муниципаль этабында катнашты. “Ин яхшы татар теле һәм әдәбияты укытучысы ” номинациясендә 2 урынны алды. Котлыйбыз!!! Иҗади уңышлар, сәламәтлек телибез. 

Татар Кандызы мәктәбе районыбыз авыл җирлекләре арасында Яңа елга иң яхшы бизәлгән мәктәп дип табылды һәм Баулы муниципаль районы башкарма комитеты ДИПЛОМЫ белән бүләкләнде.