Буген мәктәптә зур бәйрәм-  4 сыйныф укучыларын варислар сафына кабул итү тантанасы узды. Аны  мәктәпнең  педорганизаторы Гыйззәтуллина Чәчкә  Ягъфәровна белән 4 сыйныф җитәкчесе  Миргалимова Диләрә Нәгыймулловна  оештырды. Укучылар , "Варислар иленә" сәяхәт итеп, һөнәрләрен күрсәттеләр, узләренең отрядлары белән таныштырдылар. Ә соңыннан "Койрыклар" әкиятен сәхнәләштереп күрсәттеләр. Чарада башка эзтабар отрядлары да рапорт бирде.

Мәктәптә Экология һәм әйләнә-тирә мохитне саклау елына багышланган чаралар еш үткәрелә,  укучылар районда үткәрелгән конкурсларда да актив катнашалар.

Идиятуллина  Әдилә 2011 елда район яшьләр форумында "Иң яшь лидер"  исеменә лаек булган иде. Чыннан да, ул мәктәпнең иң актив укучысы. Быел гына да Әдилә  Экология буенча фәнни-практик конференциядә, "Киләчәк бүген башлана" фәнни-практик конференциясендә,  төрле фәннәр буенча олимпиадаларда, Ф.Яруллин иҗатына багышланган район  шигырь конкурсында катнашып, призлы урыннар яуларга өлгерде.