19нчы февраль көнне “Җәлилчеләрнең хөкем ителүенә 70 ел тулу уңаеннан” Халыкара Туган тел көнен уздыру планы нигезендә район күләмендә сәнгатьле шигырь сөйләүчеләр конкурсы үтте. Бәйге 1-4нче сыйныф укучылары, 5-8нче сыйныф һәм 9-11нче сыйныф укучылары арасында үтте. Хөрмәтле жюри әгъзалары укучыларның сәхнәдә үз-үзләрен тотышын, башкару осталыгын, уку интонациясен, сүзләрне дөрес әйтү, дикциясен  тикшерделәр. Гимназия укучыларының уңышлары югары дәрәҗәдә иде. Мәсәлән, Вәлиуллин Нияз (11 кл.) – Гран при, Садыкова Элина (4 кл.) – 1нче урынга, Шараева Айгөл (6 кл.) – 2нче урынга, Миргалимова Алсу (6 кл.) – 3нче урынга лаек булдылар. Афәрин, укучылар!