Һөнәр сайлау - кеше тормышындагы иң мөһим карарларның берседер. Чөнки көн саен җаныңа рәхәтлек бирә торган, хобби дип әйтерлек шөгыль белән мәшгуль кеше үз-үзеннән канәгать була,  үзен бәхетле хис итә, ди психологлар. Һөнәрне,  кабул ителгән гадәт буенча,  16-17 яшьтә, мәктәпне тәмамлаганда сайлыйлар. Бу чорга үсмернең фикерләү рәвеше, холкы, темпераменты формалашып җиткән була. Әмма үзеңнең кайсы  өлкәдә файдалырак буласыңны чамалау өчен болар гына аз, күрәсең. Бүген 9 нчы, 11 нче  сыйныфны тәмамлаучылардан сорасаң, күбесе үзенең кайсы һөнәргә алыначагын да  белми. Шул карамактан чыгып,   укучылар белән һөнәри карашларын белү өчен тестлар уздырылды.