Авыл кешеләре белән бер рәттән мәктәп укучылары да бүген авыл территориясен яшелләндерү белән мәшгуль булды. Авыл зыяраты , мәдәният йорты территориясенә яңа агачлар утыртылды. Бу эшкә авылның һәрбер кешесе кебек үк укучылар да бик теләп катнаштылар. 

9 нчы сыйныф егетләре белән очрашуга КИУ филиалы булган Бөгелмә коллияте вәкилләре килде. Көллиятнең бөтен мөмкинлекләре егетләрне кызыксындырды. 

Җирле үзидарә җитәкчесе Фаткуллин З.Х. ның күрсәтмәсе нигезендә 7-9 нчы сыйныф укучылары авыл территориясен чистарту эшләрендә катнаштылар. Сыйныф җитәкчеләре Канипов Р.А., Кашапова Л.Х. һәм китапханәче Салимгараева Р.В. белән бергә укчылар  авылдашларына зур ярдәм күрсәттеләр.

Мәктәпнең 8-9 нчы сыйныф укчылары Ленинагорск сәнгать - музыка педагогика көллияте вәкилләре б-н очраштылар. Килгән кунаклар 8-9 нчы сыныф укучыларын уку йорты турында, анда кабул итү тәртипләре турында бик кызыклы мәгълмәтлар белән таныштырдылар.

Бүген мәктәптә зур шимбә өмәсе. Укучыларның олысы-кечесе барысы да эшкә чыкты.  Мәктәп территориясен чистартылар Бу әле мондый өмәләрнең соңгысы булмас. Эшлисе эшләр әле күп.

Мәдәният йорты хезмәткәрләре укучылар өчен "язгы дискотека" уздырдылар. Бу күңел ачу кичәсендә җырлар, халык уеннары, табышмаклар әйтешү, биюләр чиратлашып барды. Залда башланган чара урам да дәвам итте

Баулы шәһәренең 1 нче мәктәбендә Г.Тукайг иҗатына багышланган укучылар бәйгесенә мәктәп күләмендә узган бәйге җиңүчесе 8 нче сыйныф укучысы Салахова Э.Ф. барды. Ул Г.Тукайның "Япон хикәясе" шигырен укып 3 урынга лаек булды

Бүген мәктәптә 8-89 сыйныф укучылары өчен профориентация дәресе узды. Бу дәресне ГКУ "Центр занятости" дан килгән специалист Огородникова Л.Г. алып барды. Укучыларыбыз өчен бу кирәкле чара булды. 

7-9 сыйныф укучылары кл. җитәкчеләре Канипов Р.А. белән сугыш һәм хезмәт ветераны Гибадуллин Хайбулла бабай йортына барып ярдәм иттеләр. Ветеран бабайга кар көрәштеләр, ишек алдындагы чүпләрне җыештылар. Хайбулла бабай һәм Фәһимә әбинең рәхмәт сүзләрен ишетү үзе бер рәхәт.

12.04. Космонавтлар көненә багышланган рәсемнәр күргәзмәсе ясалды. Бу күргәзмәгә 1-9 сыныф укучылары ясаган рәсемнәр куелды. Китапханәдә китаплар күргәзмәсе оештырылды һәм 1-4 сыныфлар белән "Беренче космонавтлар" дигән презентация каралды.