Муниципальное бюджетное дошкольное образовательное учреждение «Салаусский детский сад" Балтасинского муниципального района РТ / Татарстан Республикасы Балтач муниципаль районының муниципаль бюджет мәктәпкәчә белем бирү учреждениесе "Салавыч балалар бакчасы"
Визитная карточка
| Адрес: | 422256, Республика Татарстан, Балтасинский район, с. Старая Салаусь, ул. Школьная, д. 9 |
| Телефон: | +7(843)-683-06-36 |
| E-Mail: | salaus.detsad@mail.ru |
| Министерство: | Министерство образования и науки Республики Татарстан |
| Короткое название: | МБДОУ "Салаусский детский сад" |
| Руководитель: | Закирова Лилия Ринатовна |
| Год основания учреждения: | 1983 |
| У нас учатся: | 62 воспитанника/ 62 бала тәрбияләнә |
| У нас учат: | 8 педагогов/ 8 педагог хезмәт куя |
Муниципальное бюджетное дошкольное образовательное учреждение «Салаусский детский сад" Балтасинского муниципального района РТ / Татарстан Республикасы Балтач муниципаль районының муниципаль бюджет мәктәпкәчә белем бирү учреждениесе "Салавыч балалар бакчасы" - новости
Страницы: << 51 52 53 54 55 56 57 58 59 ( 60 ) >>
-
Муса абыйда кунакта 15.02.2016
Бүген зурлар – мәктәпкә әзерлек төркемендә Муса Җәлилнең туган көне уңаеннан «Муса абыйда кунакта» дип исемләнгән кичә булды. Балалар Муса Җәлилнең тормыш юлы, иҗаты белән таныштылар, шигырьләр сөйләделәр, җырлар җырладылар.
-
Кул моторикасын үстерү 15.02.2016
Иң кечкенәләрнең беренче кечкенәләр төркеме балалары кул моторикасын үcтерү буенча даими эш алып баралар. Бүген алар шнурлы уенчыклар белән шөгыльләнделәр.
-
Чангы - 2016 13.02.2016
Бүген бакчабыз хезмәткәрләре «Лыжня – 2016» дип исемләнгән чарада катнаштылар. Күмәкләшеп чаңгыда шудылар. Сәламәт яшәү рәвеше алып бардылар.
-
Сәламәт яшибез 10.02.2016
Зурлар мәктәпкә әзерлек төркеме балалары саф һавада физик күнегүләр ясап, сәламәт яшәү рәвеше алып бара.
-
Суган утыртабыз 08.02.2016
Зурлар – мәктәпкә әзерлек төркеме балалары суган утырту серләрен өйрәнә
-
Гөлләр үстерәбез 05.02.2016
Әй гөлләрем-гөлкәйләрем
Яратыр идем кочып.
Уйнар идем арагызда
Күбәләк булып очып.
-
Февраль 01.02.2016
Килегез, кил, кошкайлар,
Сез бит безнең дускайлар.
Җимлегебезгә куныгыз,
Көн дә кунак булыгыз.
-
Һөнәрләр.
25.01.2016
Кечкенә чагыбызда: "Үскәнем үскәч кем буласын?" - дип сорыйлар.Һөнәрләр күп.Уртанчылар төркеме балалары шәфкать туташы һөнәре белән таныштылар.Аларны бу һөнәр белән бакчабызның шәфкать туташы Шәйхиева Гүзәлия Зәкәриевна таныштырды.Балаларга авырганда нишләргә кирәклеге турында фикерләрен җиткерде.
-
Әкияттә кунакта! 16.01.2016
Кичә Салавыч мәдәният йортында Кар Патшабикәсе (Снеҗная Королева) әкиятенә нигезләнеп "Әкияттә кунакта!"дип исемләнгән иҗат отчет концертыбыз булды.Бу концертта катнашкан әти-әниләргә, детсад хезмәткәрләренә Зур РӘХМӘТебезне белдерәбез!Һәм шулай ук концерт турында җылы сүзләрегез, язмаларыгыз өчен дә зур рәхмәт!
Концерт турында фикер: "Кичә Салавыч балалар бакчасының иҗат-отчет кичәсе булды. Андагы маҗараларны Сезгә дә сөйләп үтәсе килә.
Балалар бакчасы концерты көнендә зал шыгрым тулы була. Бу юлы да алма төшәрлек тә урын юк иде. Балаларның ихлас чыгышларын карап берәү яшьлеген искә ала, икенчеләр шул сабыйлар урынында булырга кызыгып утыра. Кызыгырлык та: тормышлары әле башланып кына килә, алда аларны тулы бер гомер көтә.
Концертны балалар үзләре алып барды. Алып баручы Диләрә белән Рәмиснең сәхнәдә үзләрен иркен тотулары, микрофон белән чын осталарча эш итүләре сокландырды.
Сәхнәгә иң нәниләрдән алып, мәктәпкә хәзерлек төркеме балалары да чыкты. Биюләрнең күп булуы аеруча ошады. «Фәрештәләр» биюе, «Рус халык» биюе,«Клоуннар» биюе дисеңме… Берзаман сәхнәгә полиция булып киенгән малай чыкты. Ул үзе белән полиция дусларын да ияртеп килгән икән. Чын иминлек сагындагылар инде, сокланып туймаслык. «Санта Клаус»лар биюен сәхнәдәге бәбәйләр дә, залдагы «зур» бәбәйләр дә ошатты: рәхәтләнеп кар атыш уйнадылар. Балалар залга «йонлы» кар йомгакларын ату планлаштыырлган булса, әти-әни, әби-бабайларның аның кире атуы көтелмәгән хәл иде. Бу кешеләрдә сабыйлыкны, кешелекне уятып җибәрде.
«Мама» дигән бию дә тамашачыларны шаккаттырды. Сәхнәдә утны сүндереп, аны фонарьлар белән башкардылар. Искитмәле… Әле бит болар балалар бакчасында йөрүчеләр генә!
Абыйлы-энеле Нурзил-Нургиз Нәҗиповларның баянда берсе баянда уйнап, икенчесе җырлавы да күңелләргә хуш килде. Егетләр җырласа, Талия һәм Зәлия Кәлимуллиналар татарча шаян бию башкарды. Сәләтле балалар сәләтле гаиләләрдә үсәдер, дип уйлап куйдым.
Ел саен Салавыч балалар бакчасының «бомба» — чыгышы була. Әтиләрнең аккош биюе биюләрен дә күрдек. Әмма быел, маймыл елы булуын истә тотып, пальмалар (әниләр), нәни маймыллар (балалар) һәм папуаслар (әтиләр) бергәләшеп "Җылы якта" дигән көлкеле бию күрсәттеләр. Аны аңлатып кына бетереп булмый, килеп күрү кирәк иде.
Гомумән, концертны әзерләүдә әти-әниләр дә, балалар да зур көч куйган. Балалар бакчасы хезмәткәрләренең куйган көче аеруча күп. Сәхнәгә мәҗбүри дә алып чыгып булмаган әтиләр дә җырлап, биеп йөрде бит. Әле бәйрәм белән котларга Брежнев үзе дә кайткан иде. Ахырдан авыл советы башлыгы Рафил Сибгатуллин белән «Татарстан» җәмгыяте рәисе Айнур Нотфуллин да концертны оештыручыларга үз рәхмәтләрен белдерделәр һәм соклануларын җиткерделәр.Салавыч балалар бакчасы тәрбиячеләренә, әти-әниләргә: «Афәрин!» — диясе генә кала".
-
Сихри төн 29.12.2015
Бүген зурлар - мәктәпкә әзерлек төркемендә Хат ташучы кар малай әкиятенә нигезләнеп Сихри төн дип исемләнгән Яңа ел иртәсе үткәрелде.
