10 гыйнвар көнне , Субаш төп гомуми белем мәктәбендә үткәрелә торган, туризм түгәрәгенә йөрүче балалар походка бардылар. Әлеге поход дәвамында балалар Югары Субаш-Чулпан-Бакча- Каргалы-Сосна Пүчинкәсе -Түбән Субаш -Югары Субаш маршрутын үттеләр. Һәрбер авылга тукталуның үз максаты бар иде: 
-Чулпан һәм Бакча авыллары 90 нчы елларда юкка чыгарылган. Аларның максаты, шушы авыллар урнашкан урыннарны балаларга күрсәтү . 
-Каргалы авылы. Бу авылда бары тик 12 генә хуҗалык бар. Аңа да карамастан, алар Бөек Җиңүнең 70-еллыгы уңаеннан, авыл үзәгендә һәйкәл булдырганнар. Каргалы авылы саф һавалы урман кочагында урнашкан.Алар әлеге һәйкәл һәм искиткеч гүзәл урман белән хозурланып, аны фотога сурәтләүгә ирешкәннәр. 
-Сосна Пүчинкәсе авылы. 2016 нчы елда Татар халкының бөек шагыйре Габдулла Тукайның тууына 130 ел була. Тәрбияләнүчеләрнең максаты: шагыйрьнең әнисе җирләнгән авыл белән танышу. 
-Түбән Субаш авылы. Монда 2015 нче елда төзекләндерелгән чишмә белән коеның суын татып карау максатын тормышка ашыралар. 
-Югары Субаш авылы. Максат, укучыларның каникулының соңгы көне белән хушлашу кичәсендә походта катнашучы укучыларны катнаштыру. 
Походка куелган максатларның бары тик берсенә генә ирешмелмичә калды. Кар куп булу сәбапле алар урман эчендә урнашкан кортлыкка кереп җитә алмадылар.