Башкалабызның “Заречье” балалар лагерында 25-29 сентябрьдә укучыларның  спорт туризмы буенча 58 нче республика слеты булып узды. Безнекеләр янә үзләренә тиңнәр булмавын раслап кайттылар. Балтач балалар-яшүсмерләр спорт мәктәбе тренеры Азат Хөснетдинов укучылары  беренче булдылар. Ярышларның кайсы төрен генә алып карама, спорт лабиринтындамы, җәяүле дистанциядәме, конкурс программасындамы, барысында алар беренче булдылар.  Крайны өйрәнү конкурсында гына өченче булдылар. Составында Субаш авылыннан  Илсур Вафин, Илшат Хәбиев, Илүзә Гыйманова, Алисә Хөснетдинова булган командабызга киләчәктә дә җиңүле финишлар теләп калабыз.