Кадерле Тәбрис Габделхак улы!Сезне чын күңелдән олы юбилеегыз - 60 яшьтулган көнегез белән тәбрик итәбез. Гыйнвар салкыннарында туган булсагыз да, гомерегез буе тирә-юнегездәгеләргә җылылык бирә торган кайнар йөрәкле, кышкы тәрәзәләрдәге бизәкләрдәй матур күңелле, кояш нурларында җемелдәгән ак карлардай якты йөзле булдыгыз. Хезмәт юлыгызда зур тәҗрибәле остаз, үз хезмәтен җиренә җиткереп башкаручы, һәркемгә ярдәмчел кеше буларак коллективта хөрмәт казандыгыз. Алдагы гомер юлларыгызда бүгенгедәй матур мизгелләр, шатлык тулы якты көннәр күп булсын.Сәламәт булып, туганнарыгыз, якыннарыгыз белән, кайгы-хәсрәт күрмичә, мул тормышта бәрәкәтле озын гомер кичерергә язсын.

Гомер бәйрәмегез белән котлап,

Зур бәхетләр Сезгә телибез.

Үзегез кешелекле булган өчен

Олылыйбыз бүген Сезне без.

Гомерегез булсын гел бәхетле,

Бәхетегез булсын гомерле.

Җирдә булган бөтен яхшылыкны

Бүләк итсен Ходай һәр көнне.

Иң изге теләкләр белән Куныр урта мәктәбе коллективы