Озынайтылган көн төркеме тәрбиячеләренең район семинары.

         9 ноябрь көнне Куныр урта мәктәбе базасында озынайтылган көн төркеме тәрбиячеләре өчен “Федераль дәүләт белем стандартлары кысаларында озынайтылган көн төркемендә укучыларның иҗади потенциалларын һәм технологик культураларын үстерү” темасына район семинары булып узды. Семинарда озынайтылган көн төркеме тәрбиячесе Рамазанова Ф.Г. тарафыннан клуб сәгате, мастер-класс тәкъдим ителде. Башлангыч сыйныф укытучылары Гайсина Р.Г., Сөләйманова И.К., Гафиуллина Л.Н. укучылар белән берлектә “Юлда да акыл кирәк!” дигән темага класстан тыш чара күрсәттеләр. Нөнәгәр урта мәктәбенең озынайтылган көн төркеме тәрбиячесе Фазылҗанова К.Г. семинар темасы буенча чыгыш ясады. Семинар түгәрәк өстәл артында фикер алышулар белән дәвам ителде.