Бүген 25 нче ноябрь көнне мәктәп - бакчада әниләр көненә багышланган кичә үтте.Укучылар һәм бакча балалары әниләрен бәйрәм белән котладылар, шигырьләр, җырлар җырладылар.Үз көчләре белән ясаган бүләкләрен тапшырдылар.

Тиздән әниләр бәйрәме,әниләргә бүләк ясарга кирәк...

15 ноябрь көнне мәктәптә Шәүкәт Галиев истәлегенә шигырь конкурсы булды.Кыскача иҗатына күзәтү ясалды,аннары укучылар өйрәнгән шигырьләрен сөйләделәр.Иң яхшы дип табылган 3 укучыга урын бирелде: Закирова Чулпан - 1 урын,Юнысова Зәринә - 2 урын,Галиахметов Бәхтияр - 3 урынга лаек булдылар.Котлыйбыз!

Һәр чирек саен мәктәп-бакчадагы коллективтагы укытучылар һәм тәрбиячеләр педагогик киңәшмәгә җыелабыз.Бүген дә "Проектлы эзләнү эше" темасы буенча фикер алыштык.

Көз көне мәктәптә уныш бәйрәме уздыру матур гадәткә  әйләнде. Бу көнне  табигать материалларыннан  эшләнгән “Табигать  hәм  фантазия” дип  исемләнгән  күргәзмә  оештырыла. Мәктәп  залы  чәчәкләр, көзге  яфраклар, кәрзингә  салынган  җиләк-җимеш, яшелчәләр  белән  бизәлә.

25-26 нче октябрь көннәрендә "Чисталык" акциясе үткәрелде.

2011-2012 нче уку елына куелган бурычларның берсе булып "Бала тәрбияләүдә әтиләрнең ролен арттыру”тора. Шуңа күрә без әтиләрне ачык дәресләргә дә еш чакырабыз.
 14 нче октябрьдә алар өчен беренче дәресләр үткәрелде.

8нче октябрь көнне Балтачның яңа спорт сараенда балалар бакчасында тәрбияләнүчеләр катнашында спорт фестивале булды. Безнең балалар бакчасыннан да 2 бала көч сынашты. Кенә, Кенәбаш, Шубан балалар бакчасыннан килгән сабыйларны “Дуслык” исеме берләштерде.

Хөрмәтле укытучылар!Сезнең барыгызны да һөнәри бәйрәмегез белән котлыйбыз.Сезгә авыр эшегездә сабырлык һәм түземлек,гаиләләрегездә тынычлык  телибез.Безнең Кенәбаш башлангыч мәктәп-балалар бакчасының балалары укытучыларны бәйрәм белән котладылар.

Әби!Бабай! Нинди матур яңгырый бу сүзләр!Бу сүзләр “әни”,

“әти” дигән сүзләр кебек үк кадерле һәм якын.

 Балалар "Дизайн" түгәрәгендә әби-бабайлары өчен бүләкләр ясадылар. Дәресләрдән соң яңа җырлар,шигырьләр һәм биюләр өйрәнделәр.