Бүген мәктәптә традицион “Аҗаган” уены уздырылды. Көннең 30 градус салкын булуына карамастан укучылар ярышларда бик теләп катнаштылар. Яшерен пакет эзләү, патриотик җыр, чаңгыда узышу кебек конкурслар оешкан төстә узды.  Барлык укучылар да “ашыгыч ярдәм”, “яшь пожарник”, “тапкырлар аланы”, “төз атучы”, “сазлык аша узу”, “ГО”, “җитезләр аланы”  дип исемләнгән станцияләр аша уздылар, һәрберсе андагы биремнәрне үтәде. Аҗаган ахырында һәр класс “Сугышчан бит” чыгарды. Нәтиҗә түбәндәгечә булды: 1 урын- 3 кл, 8 кл, 11 кл., 2 урын -4 кл, 6 кл, 9 кл,3 урын- 2 кл, 7 кл, 10 кл, 4 урын-5 кл. Һәр класска мәктәп грамоталары тапшырылды.  Шулай ук класслар арасында аркан тартышу ярышы да оештырылды.  Роталар арасында узган хоккей ярыш да бик күңелле үтте.