Перед зимними каникулами для 10,11 классов состоялась встреча с инспекторами ПДН Шакировой Л.М. и Накиповой Р.Л.  Ребятам вновь напомнили о статье 71 ЗРТ, о запрете пользования петардами и правилах поведения на каникулах.

Объявляется конкурс на лучший баннер  (можно использовать рисунок, слоган) взамен устаревшего баннера, который висит на фасаде гимназии.

12 нче декабрь  көнне Арча районы Ашытбаш мәктәбендә рус шашкасы буенча районның ачык беренчелеге узды. Әлеге ярышларда районыбызның гимназия командасы чыгыш ясады. Мөхәрләмов Кәрим, Акберов Тимерхан, Шакиров Илсаф, Гасымова Аяна, Юнысова Камилла, Хәкимова Нәргизә, Йосыпова Айсылу катнашты. Укучыларыбыз матур уен күрсәтеп, уеннарын тагын да шомартып кайттылар. Юнысова Камилә 3-4 сыйныфлар арасында 2нче урын, Хәкимова Нәргизә 7-11 сыйныф арасында 2нче урын, Шакиров Илсаф 7-11 сыйныфлар арасында 3нче урын, Акберов Тимерхан 5-7 сыйныфлар арасында 1нче урынны яулады.  Әлеге матур җиңүләре белән ихластан котлыйбыз!

9  нче А сыйныфы  укучысы  Җәләлов  Илдар  Рәсәйкүләм  химия олимпиадасының   муниципаль  этабында  призер  статусына  ия  булды. Котлыйбыз!!! Афәрин!!!

9нчы  декабрьдә  6нчы  А сыйныфында  Россия  геройлары  көненә  багышланган  класс сәгате  булды. Укучылар бу көнне  бәйрәм  итү  тарихы, батырларга бирелә торган орден-медальләр  һәм  бу  бүләкләргә лаек  булган  кешеләрнең  тормышы  белән  танышты. 

 9 нчы декабрь көнне гимназиянең 6нчы А классында сыйныфташымның туганы белән очрашу булды. Аның исеме - Павлов Андрей  Петрович. Ул, “Грозный” ракета крейсерында  2 нче ранглы капитан булып, Кара диңгез  флотында  хезмәт иткән. Хәзер аңа 76 яшь. Андрей Петрович Балтачта туып үскән, яшәгән, укыган. Озак еллар  Севастопольдә яши, Балтачка кунакка гына кайта. Ул 25 ел флотта хезмәт иткән, бик күп илләрдә булган, диңгез-океаннарны кичкән. Диңгезче булу аның  кечкенә чагындагы хыялы булган, һәм ул чынга ашкан. Андрей Петрович безгә үзенең эше турында сөйлде. Бу эшкә өйрәнү авыр диде, ләкин миңа рөхсәт бирсәләр, хәзер дә диңгез буйлап йөреп кайтыр идем, ди. Үзенең яшь чагындагы фотоларын күрсәтте. Хәрби училищены тәмамлагач, курсантларның һәрберсенә тапшырылган кортигын да алып килде. Бу кортикны тотып карау безгә аеруча ошады. Аның хатыны, кызы, оныгы һәм оныкларының балалары бар икән инде. Без Андрей Петровичка күп сораулар яудырдык, ул исә аларга тулы итеп җаваплар бирде. Бу очрашу безгә бик кызык һәм күңелле булды.

Казан Кремлендә коррупциягә каршы бәйге булып узды. Чара Халыкара коррупциягә каршы көрәш көненә багышланган иде. Бүләкләү чарасын Татарстан Президенты Аппараты җитәкчесе Әсгать Сәфәров ачып җибәрде. Балтач гимназиясенең  5нче А сыйныфы укучысы Мәликә Кәлимуллина (җитәкчесе Лариса Магсумова) Рәхмәт хаты һәм “Хезмәт” газетасы редакциясе “Басма материаллар циклы” номинациясендә дипломга ия булды.

9 нчы декабрь көнне МБУГУ “Балтач гимназиясендә”  “Реал” үзидарәсе  тарафыннан 9 -11 нче сыйныфлар өчен Нәрсә? Кайда? Кайчан? уены үткәрелде. Кызыклы сораулары, көйләре белән үзенчәлекле булган чара барлык укучыларның һәм укытучыларның күңеленә бик хуш килде.                                               

9 нчы декабрьдә Ватан геройлары көне уңаеннан МБУГУ “Балтач гимназиясе”ндә “Үз геройларыңны бел” исеме астында чара уздырылды. 9 нчы А һәм 9 нчы Б сыйныф укучылары төрле чорда яшәгән геройлар һәм аларга бирелгән орден, медальләр белән танышты.

8 нче декабрь  көнне МБГБУ "Балтач гимназиясе"ндә коррупция көненә багышланган чара булып узды. 7 нче А сыйныфы укучылары белән очрашуга Балтач районы прокуратурасының вакытлыча прокурор вазифасын башкаручы Шәрифуллин Фәрит Гөмәр улы килде. Әңгәмә барышында коррупциянең төрле өлкәләрдә чагылышы ачыкланды.