22 январь көнне балалар бакчасында “Балалар бакчасы һәм мәктәп арасында ФДБСна күчеш чорында узара хезмәттәшлек” темасына өйрәтү семинары узды. Эшлекле очрашуда районыбыз белем учреждениеләреннән балалар бакчалары тәрбиячеләре, башлангыч класс һәм физкультура укытучылары катнашты (50 педагог). Семинарны районның мәктәпкәчә белем һәм тәрбия методисты Нутфуллина Г.Ф. алып барды. Семинарда катнашучылар мәктәпкә әзерлек төркемендә рус теле шөгыле (рус теле тәрбиячесе -Загидуллина Л.Ф.), зурлар төркемендә физкультура шөгыле (физкультура инструкторы – Низамиева К.Ф.) карадылар, шөгыльләр буенча фикер алыштылар. Караган шөгыльләр буенча оештыручылар һәм катнашучылар тарафыннан бары тик уңай фикерләр генә әйтелде.