МБОУ «Бурбашская средняя общеобразовательная школа» Балтасинского муниципального района РТ/"Татарстан Республикасы Балтач муниципаль районы "Бөрбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422255, Россия, Республика Татарстан, Балтасинский район, село Бурбаш, ул. Ф. Шакирова, д. 41, 41/1 |
Телефон: | +7(843)-683-37-16;+7(843)-683-39-20 |
E-Mail: | scola_burbash@mail.ru; Sbrb.Blt@tatar.ru |
Министерство: | Министерство образования и науки Республики Татарстан |
Короткое название: | МБОУ Бурбашская СОШ |
Руководитель: | Сибагатуллин Малик Тимерханович |
Год основания учреждения: | 1966 |
У нас учатся: | 158 учащихся/158 укучы |
У нас учат: | 24 учителя/24 укытучы |
Бөрбаш урта мәктәбе яңалыклары
Укытучыларның республика август киңәшмәсе Бөгелмәдә уздырылачак
Опубликовано: 04.08.2015
18 августта Бөгелмә шәһәрендә мәгариф һәм фән хезмәткәрләренең еллык республика август киңәшмәсе уздырылачак. Анда Татарстанның югары җитәкчелеге катнашыр дип көтелә. Бу хакта ТР Мәгариф һәм фән министрлыгы матбугат хезмәте хәбәр итә.
Быелгы киңәшмә “Заманча мәгариф: яңа стратегик ориентирлар – яңа чишелешләр” темасына багышлана. Утырышта ТР Премьер-министры Илдар Халиков, аның урынбасары – ТР мәгариф һәм фән министры Энгель Фәттахов, РФ Дәүләт Думасы, шулай ук ТР Дәүләт Советы депутатлары, министрлыклар һәм ведомстволар вәкилләре, районнарның хакимият башлыклары, муниципаль берәмлекләрнең башкарма комитетлары җитәкчеләре, мәгариф идарәләре башлыклары, югары уку йортлары ректорлары, башлангыч һәм урта һөнәри белем бирү учреждениеләре, мәктәп директорлары, мәгълүмат-методика үзәкләре методистлары, укытучылар, тәрбиячеләр катнашыр дип планлаштырыла.
Укытучыларның август киңәшмәсе кысаларындагы чаралар 10-12 августта Алабугада уздырылачак мәктәп укытучыларының VI халыкара фестивалендә үткәрелә башлый. Фестивальдә РФ һәм ТРның әйдәп баручы укытучылары, урта һәм югары белем бирү системасы вәкилләре, гомуми белем бирү оешмалары белән хезмәттәшлек итүче галимнәр, чит ил белгечләре катнашыр дип көтелә. Халыкара фестиваль кысаларында мастер-класслар, түгәрәк өстәлләр, эшлекле уеннар, тренинглар оештыру, алдынгы педагогик тәҗрибәләрне презентацияләү күздә тотыла. Шулай ук хәзерге заман мәгарифе өлкәсендәге галим-белгечләр укытучыларга лекцияләр укыячак. Моннан тыш, катнашучылар өчен иҗади һәм һөнәри осталык конкурслары, укыту-методик әдәбият ярминкәсе, күргәзмәләр үткәрелә. Биредә үк “Педагог-оста” конкурсына йомгак ясалыр, Татарстанда физика һәм математика елын ябу тантанасы булыр дип көтелә.
12 августта Яшел Үзәндә республиканың урта, югары, һөнәри, өстәмә белем бирү җитәкчеләре, мәгариф идарәләре һәм бүлекләре башлыклары, сәнәгать предприятиеләре җитәкчеләре август киңәшмәсе утырышы кысаларында һөнәри белем бирүнең инновацион инфраструктурасы үсеше мәсьәләләре турында фикер алышыр дип планлаштырыла.
13 августта исә Бөгелмәдә “Мәктәпкәчә белем бирүнең федераль дәүләт мәгариф стандартларын тормышка ашыруның система хасил итә торган юллары” темасына секция утырышы була.
Шулай ук бу көнне Бөгелмәдә мәгариф хезмәткәрләренең “2015-2025 елларга Татарстан Республикасында укучыларны тәрбияләү үсеше стратегиясе: гамәлгә ашыруның төп юллары” темасы буенча фикер алышуы күздә тотыла.
14 августта республиканың төп һәм “өстенлек” мәктәпләре директорлары заманча мәктәптә белем бирү сыйфаты белән идарә итүнең стратегик юнәлешләре нинди булырга тиешлеге турында сөйләшәчәк.
15 августта инклюзив белем бирү үсеше мәсьәләләренә багышланган “Бергә яшәргә өйрәнү: үзенчәлекле белем алу ихтыяҗларына ия балаларны укыту модельләре” темасына секция утырышы була. Ул шулай ук Бөгелмәнең аерым фәннәрне тирәнтен өйрәтә торган 3нче урта мәктәбе базасында уздырыла.
Бу көнне Икътисад, идарә һәм хокук институтының Бөгелмә филиалында “Ятим һәм караучысыз калган балаларның социальләшүе: дәүләт сәясәте һәм төбәк тәҗрибәсе” темасына балалар йортлары, ятим һәм караучысыз калган балалар өчен мәктәп-интернатлар, социаль приютлар директорлары һәм укытучылары, гаиләгә һәм балаларга социаль ярдәм үзәкләре җитәкчеләре катнашында секция утырышы оештырыла.
Август киңәшмәсе кысаларында милли мәгарифкә аерым игътибар бирелә. 15 август көнне Бөгелмәнең Һ.Атласи исемендәге 14нче татар гимназиясе базасында “Татарстан Республикасында милли мәгариф үсеше: стратегик юнәлешләрдән конкерт нәтиҗәләргә” темасына секция утырышы уздырыла.
17-18 августта үткәреләчәк “Заманча мәгариф: яңа стратегик ориентирлар – яңа чишелешләр” секциясендә катнашучылар профориентация республика системасын үстерү буенча чараларны тормышка ашыру барышы, Иминлек советы карарлары нигезендә белем бирү сыйфатын күтәрү факторы буларак белем бирү сыйфатын бәяләүнең төбәк системасы сораулары турында фикер алышыр дип көтелә.
Шул рәвешле, барлык 8 секция утырышыннан соң, 18 августта Бөгелмә шәһәрендә Татарстан Республикасы мәгариф һәм фән хезмәткәрләренең август киңәшмәсенең пленар утырышы була. Анда 2014-2015 уку елына йомгак ясала һәм яңа уку елына планнар билгеләнә.
Укытучыларның август киңәшмәсе, традицион рәвештә, Интернет челтәрендә трансляцияләнәчәк.
К списку новостей