Гражданнар оборонасы айлыгы кысаларында яшелләр һәм кызыллар командалары арасында укучылар өчен төрле ярышлар үткәрелде. Противогаз кию, шахмат, чаңгы, мылтыктан ату ярышлары үткәрелгәннән соң, шимбә 21 нче февраль көнне “Аҗаган” уены үткәрелде. Эвакуация белән башланып китте уен. Командалар барсына да әзер иде. Рапортлар бирелгәннән соң , строй белән йөреп әзерлекләрен күрсәттеләр. Аннан командалар кара – каршы төрле каршылыклар аша узып , бер урынга җыйналдылар. Анда аларны поварлар булган кызларыбыз тәмле ашлар пешереп көтеп тордылар. Тамак ялган алганнан соң тагын командалар арасында кызыклы ярыш уеннар башланып китте. Ярышларны алдан яшелләр командасы тәмамлады. Шуңа да флагны беренчеләрдән булып яшелләр командасы алды. Менә шулай бик оешкан төстә, күңелле үтте “Аҗаган” уены. Укучыларыбыз да әлеге уенда бик актив булдылар. Әфәрин!!!