Россия вузлары абитуриентлардан документлар кабул итә башлый. Быел документлар тапшыру өчен дүрт ысул тәкъдим ителә: көндезге бүлектә — эпидемиологик хәл уңайлы булса, почта аша, университет электрон системаларында абитуриентның шәхси кабинеты аша һәм "Югары уку йортларына онлайн укырга керү" суперсервис ярдәмендә.

Быел суперсервиска инде 500 дән артык университет кушылды. Исегезгә төшерәбез, ул 2020 елның июнендә, пандемия кызган чагында эшли башлаган иде. Ул вакытта абитуриентлар 54 Россия югары уку йортына укырга гаризаны дистанцион рәвештә бирә алган. Бу мөмкинлектән 20 меңнән артык абитуриент файдаланды, алар 70 меңгә якын гариза бирде. Быел югары уку йортлары 10 тапкырга күбрәк, димәк, тиз һәм, иң мөһиме, кирәкле документларны җибәрү өчен күп санда абитуриентларның җибәрү мөмкинлеге бар.

"Онлайн вузга укырга керү" суперсервисында вузларны сайларга, кирәкле документларның күчермәләрен кушып, кабул итүгә гаризалар җибәрергә, өстәмә керү сынаулары даталары турында белергә, конкурс исемлекләрендә үз урыныңны күзәтеп торырга һәм, югары уку йортыннан хәбәрнамә алып, укырга керү турында белергә мөмкин. Шулай ук гариза алуга ризалык белән идарә итәргә һәм бирелгән гаризага үзгәрешләр кертергә мөмкин.

Сервистан файдалану өчен Дәүләт хезмәтләре порталында расланган хисап язмасы кирәк. 2021 елда суперсервиста абитуриентларга уңайлы булсын өчен яңа функцияләр барлыкка килде. Хәзер документларны читтән торып та, шулай ук максатчан уку турындагы шартнамәләр буенча да бирергә мөмкин. Планнарда — белем бирү кредитын кулланып керергә теләүчеләр өчен документларны рәсмиләштерү мөмкинлеге.

Фән һәм югары белем министры сүзләренчә, абитуриентлар коронавирска бәйсез рәвештә, күптән, өч-дүрт ел инде, документларны дистанцион бирү мөмкинлегеннән бик актив файдаланалар.

"Коронавирус бурмы, әллә юкмы, ә киләчәк — абитуриентлар һәм югары уку йортларының ерактан торып хезмәттәшлеге форматларына бәйле булачак", - дип билгеләп үтте фән һәм югары белем министрлыгы башлыгы.