11 октябрьдән мәктәбебездә фән олимпиадалары башланды. Олимпиада булып узган фәннәрдән район этабында катнашучы укучыларының исемнәре билгеле булды. Әлегә олимпиадалар дәвам итә. Хәзер укучылардан зур тырышлык сорала , белемнәрен нык туплап әлеге олимпиадаларга әзерленсеннәр һәм зур уңышларга ирешсеннәр иде.

Авылыбыз мәдәният йортында, 14 нче октябрь көнне, “Мин әтиемне төшемдә күрдем” дип исемләнгән тема астында сугыш чоры балаларын хөрмәтләү йөзеннән , шул елларда туган өлкәннәребез кунакка чакырылды. Әлеге чарада безнең укучыларыбыз һәм укытучыларыбыз да катнашты. Чараны мәдәният йорты директоры Хөсәенова Рәзилә алып барды.

14 октябрь көнне “Аргамак” укучылар оешмасының гомуми җыелышы булып үтте. Җыелышны мәктәбебезнең президенты Шарипова Гөлнур алып барды. Беренче көн тәртибе буенча мәктәбебезнең психологы Динә Мәүлитовна чыгыш ясады. Ул үз чиратында балаларга авыр проблемалардан арынуның ысулларын аңлатты. Икенче көн тәртибе буенча район эчке эшләр бүлегеннән килгән хезмәткәрләр чыгыш ясады. Балигъ булмаган балалар белән эшләүче инспектор Наил Нурисламович райондагы яшүсмерләрнең җәйге чорда үз – үзләрен тотышлары һәм балигъ булмаган балалар арасындагы җинаятьчелекне булдырмау чаралары турында аңлатып үтте.

Бүген мәктәптә рус теле атналыгы кысаларында 5 һәм 6 сыйныф укучылары өчен "Йолдызлы сәгать" уены үткәрелде

10 – 16 октябрьгә кадәр мәктәбебездә рус теле һәм әдәбияты атналага игълан ителде. Атналыкның программасы төзелеп, укучыларыбыз өчен, белдерүләр тактасына куелды. Моннан тыш,классларга аерым төрле ребуслар, кроссвордлар, викториналар, кызыклы сораулар язылган плакатлар мәктәп коридорына куелды. Хәзер укучыларыбыз шуларны чишү юлларын эзлиләр.

 8 октябрь көнне районда күмәк хуҗалыклар, оешмалар, мәктәпләр тарафыннан ярминкә оештырылды. Әлеге ярминкәдә без дә катнаштык. Районыбыз халкы өчен көзге муллыктан сату оештырдык. Бәяләребез артык югары булмаганлыктан, сатуыбыз да уңышлы барды. Сатып алучылар да безгә рәхмәтләр әйтеп киттеләр.

6 октябрь көнне башлангыч сыйныф укучылары әти – әниләр белән берлектә “Сөмбелә” бәйрәме үткәрде. Башта һәр класс үзләренең әзерләнгән сценарийлары буенча, “Сөмбелә” бәйрәмен әти – әниләргә тәкъдим иттеләр. Аннан соң бәйрәм табын янында дәвам итте.

5 октябрь көнне укучылар мәктәпкә гадәттәгедән иртәрәк килделәр. Чөнки бу көн бәйрәм – Укытучылар көне. Укучылар һәр укытучыны ишек төбеннән матур теләкләр белән каршы алдылар, кулларына җылы эчтәлекле, бәйрәм открыткалары тапшырдылар. Ул көнне мәктәбебездә укытучылар хөрмәтенә матур җырлар яңгырап торды. Дәресләрдән соң 5 һәм 11 сыйныф укучылары укытучыларыбызны кабат хөрмәтләп концерт тапшырдылар. Әлеге зур бәйрәмгә мәктәбебездә эшләп чыккан ветеран укытучылар да чакырылды.

Хөрмәтле коллегалар! Бәйрәм белән сезне. Һәрберегезгә тыйнак һәм белемле укучылар белән эшләргә язсын. Сәламәтлек, зур уңышлар юлдаш булсын!

3 нче октябрь көнне Бөрбаш урта мәктәбе укытучылар коллективы педагогик киңәшмәгә җыйналды.

Беренче көн тәртибе буенча 2011- 2011 нче уку елындагы эшчәнлеккә анализлар ясалды. Еллык эшкә анализларны уку һәм укыту буенча - уку һәм укыту эшләре буенча директор урынбасары Әнисә Камилевна чыгыш ясаса, тәрбия эше буенча- тәрбия эшләре буенча директор урынбасары Гөлнур Ильясовна чыгышлары тыңланды.