МБОУ «Бурбашская средняя общеобразовательная школа» Балтасинского муниципального района РТ/"Татарстан Республикасы Балтач муниципаль районы "Бөрбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422255, Россия, Республика Татарстан, Балтасинский район, село Бурбаш, ул. Ф. Шакирова, д. 41, 41/1 |
Телефон: | +7(843)-683-37-16;+7(843)-683-39-20 |
E-Mail: | scola_burbash@mail.ru; Sbrb.Blt@tatar.ru |
Министерство: | Министерство образования и науки Республики Татарстан |
Короткое название: | МБОУ Бурбашская СОШ |
Руководитель: | Сибагатуллин Малик Тимерханович |
Год основания учреждения: | 1966 |
У нас учатся: | 158 учащихся/158 укучы |
У нас учат: | 24 учителя/24 укытучы |
МБОУ «Бурбашская средняя общеобразовательная школа» Балтасинского муниципального района РТ/"Татарстан Республикасы Балтач муниципаль районы "Бөрбаш урта гомуми белем мәктәбе" муниципаль бюджет гомуми белем учреждениесе - новости
Страницы: << 221 222 223 224 225 226 227 228 ( 229 ) 230 >>
-
Бөек Җиңүнең 70 еллыгын каршы алып 30.04.2015
28 нче апрель көнне укучыларыбыз “Ветераннарны котла!” акциясенә чыктылар. Алар авылыбызда яшәүче сугыш һәм тыл ветераннарына, сугыш чоры балаларына үзләре ясаган котлау открыткалары бүләк итеп, бәйрәм белән котлап йөрделәр. Укучыларыбызның бу матур гамәле ветераннарыбыз күңеленә сөенеч китерде, бу минутларда алар шатлык һәм куанычлы мизгелләр кичерде. Алар укучыларыбызга изгелекләр теләп, рәхмәтләрен белдереп калдылар.
-
Күргәзмә 29.04.2015
“Туган тел” айлыгында һәр ел саен Тукай әсәрләре буенча кул эшләре күргәзмәсе оештырыла. Быелгы айлыкта да бу эш башкарылды. Укучыларның эшләре арасында Тукай әсәрләренең геройлары : Су анасы да, Шүрәле дә, Бала белән күбәләк тә, Кәҗә белән Сарык та һәм башкалар да бар. Күңел җылысын биреп ясаганга күрә, эшләр бик матур килеп чыккан. Аларга зур рәхмәтебезне белдерәбез.
-
Радиотапшыру 27.04.2015
24 нче апрель көнне чираттагы радиотапшыру үтте. Атна саен алып барыла торган әлеге тапшыруда Бөек Җиңүнең 70 еллыгы уңаеннан аерым рубрика алып барыла. Бу атнада “Үлемсез полк” рубрикасын 9 нчы сыйныф укучылары алып барды. Аларның һәммәсе үзләренең сугышта булган бабайлары, туганнары хакында сөйләп үттеләр. Алар бу эшкә бик җаваплы карап, чыгышларын матур итеп әзерләгәннәр һәм аларны төгәл, матур итеп сөйләп тә чыга алдылар. Аннан соң бабалары турында язылган бу язмаларын “Үлемсез полк” күргәзмәсенә куйдылар . Әнә шулай “Үлемсез полк” акциясе мәктәбебездә атна саен дәвам итә. Укучылар моңа аеруча җаваплы карый.
-
Г.Тукай әсәрләре буенча кул эшләре күргәзмәсе 27.04.2015
“Туган тел” айлыгында һәр ел саен 7нче сыйныф укучылары тарафыннан Тукай әсәрләре буенча кул эшләре күргәзмәсе оештырыла. Быелгы айлыкта да бу эш башкарылды. 7нче сыйныф укучыларының эшләре арасында Тукай әсәрләренең геройлары : Су анасы да, Шүрәле дә, Бала белән күбәләк тә, Кәҗә белән Сарык та һәм башкалар да бар. Күңел җылысын биреп ясаганга күрә, эшләр бик матур килеп чыккан. Аларга зур рәхмәтебезне белдерәбез.
-
“Габдулла Тукайның тууына-129 ел " тулу уңае белән оештырылган бәйрәм кичәсе 26.04.2015
24 нче апрель көнне мәктәбебездән бер төркем укучылар район мәдәният йортына “Габдулла Тукайның тууына-129 ел " тулу уңае белән оештырылган бәйрәм кичәсенә бардылар. Бу кичәгә Казаннан Фоат Галимуллин, Әнәс Хәсәнов, Марат Әмирханов, Вакыйф Нуриев, Эльмира Шарифуллина, Фәнзаман Баттал, Наил Ишмөхәммәтов , Мансур Шаһимәрдәнов һәм үзебезнең районнан Фәридә Шакирова, Мәгъмүрә Хөрмәтуллина, Гарифҗан Мөхәммәтшиннар килгән иде. Алар үзләренең шигырьләрен укыдылар. Аннары Тукай әкиятләреннән өзекләр карадык, шигырьләрен тыңладык. Кичә җыр-биюләр бергә үрелеп барды. Бу бәйрәм кичәсе һәркемгә бик ошады, без аннан матур тәэсирләр белән кайттык.
-
Йолдызлык 25.04.2015
24 нче апрель көнне мәктәбебезнең бию коллективы һәм җырчы кызыбыз Галия Шакирова район күләмендә үткән “Йолдызлык” җыр – бию фестивалендә катнашып кайттылар. Бөек Җиңүнең 70 еллыгы уңаеннан өйрәнгән кызларыбызның биюен һәм “Голос дети” проектында катнашкан җырчы кызыбыз Галия Шакированың җырын тамашачылар яратып кабул итттеләр. Әлеге фестивальдә катнашкан кызларыбыз районның спорт һәм яшьләр эшләре буенча җитәкчесе тарафыннан грамота белән бүләкләнделәр. Әфәрин, кызлар!
-
Очрашу 25.04.2015
-
Республикакүләм IV Г.Тукай укулары 25.04.2015
24 нче апрель көнне 10 нчы сыйныф укучысы Сәләхетдинова Әнисә Арча районы Яңа Кырлай мәктәбендә үткән Г.Тукайның иҗади мирасын өйрәнүгә багышланган Республикакүләм IV Г.Тукай укуларының “Габдулла Тукай иҗатында тәрбия темасы” номинациясендә уңышлы чыгыш ясап кайтты һәм Диплом, истәлек бүләкләренә лаек булды.
-
“Тукай сунмәс йолдыз ул” дип исемләнгән әдәби музыкаль кичә 25.04.2015
23 нче апрель көнне “Тукай сунмәс йолдыз ул” дип исемләнгән әдәби музыкаль кичә үтте. Сөекле шагыйребез Г.Тукайны без беркайчан да истән чыгармыйбыз. Аны яратабыз, зурлыйбыз. Шигырләрен, әкиятләрен укып яшәргә өйрәнәбез. Тукайны искә алу кичәсендә аның шигырләре , җырлары яңгырады, әкият геройлары кунакка килде . Кичә бик матур үтте. Катнашкан укучыларның барысына да зур рәхмәтебезне белдерәбез.
-
Туган тел һәм Г. Тукайның туган көненә багышланган чаралар тәгаенләнде 24.04.2015
Алдагы берничә көндә Татарстанда, шул исәптән Казанда да, Туган тел һәм Габдулла Тукайның туган көненә багышланган чаралар була, дип хәбәр итә оештыручылар.
25 апрель көнне сәгать 12.00 дә М. Җәлил исемендәге Татар дәүләт опера һәм балет академия театрында Габдулла Тукай исемендәге ТР дәүләт премиясен тапшыру тантанасы була. Анда ТР җитәкчелеге катнашуы көтелә.
Бәйрәм концертында танылган җырчылар Гөлнора Гатина, Рузил Гатин, Филүс Каһиров, Сәидә Мөхәммәтҗәнова (“Голос. Дети” проекты катнашучысы), Айдар Фәйзрахманов җитәкчелегендәге ТР дәүләт җыр һәм бию ансамбле, ”Казан” бию ансамбле, шигырь укчылар: Илдус Әхмәтҗанов, Ришат Әхмәдуллин, Эмиль Талипов һ.б. чыгыш ясаячак.
Кичен исә сәгать 18.00 дә шушы театрда Резеда Ахиярованың “Шагыйрь мәхәббәте” операсын күрсәтү ниятләнә. Ул Габдулла Тукайның тормышын сурәтли. Спектакльдә төп партияләрне Мария театры солисты Әхмәд Аһади (Г. Тукай) һәм М. Җәлил театры артистлары Гөлнора Гатина (Зәйтүнә), Артур Исламов (Фатыйх Әмирхан) башкара. Дирижер – Ренат Салаватов.
26 апрель көнне сәгать 11.00 дә Г. Тукайның һәйкәленә чәчәкләр китерелә. Анда ТР җитәкчелеге дә катнашыр дип көтелә. Сәгать 12.00 дә исә Г. Тукайның Театр урамындагы (М. Җәлил театры янындагы) һәйкәле янында шигърият бәйрәме уздырылачак. Чарада ТР Дәүләт Советы Рәисе Фәрит Мөхәммәтшинның катнашуы ниятләнә.
24-28 апрель көннәрендә Казанда Халыкара төрки телле язучылар яшь фестивале уздырыла. Аның ачылу тантанасы 24 апрель сәгать 14.00 кә билгеләнгән. Чара ТР Язучылар берлегенең Г. Тукай исемендәге клубында узачак. Проза, шигърият, драматургия хакында сөйләшүләргә багышланган секция утырышларыннан тыш, фестивальгә килүчеләр Казанның тарихи урыннарында, Арчаның Кушлавыч, Кырлай авылларында булыр дип көтелә.