Мәктәп бинасында укучыларның һәм бакча балаларының әниләренә җыелыш үткәрелде. Районнан килгән кунак- "Наз" халыкка социаль хезмәт күрсәтү үзәге социаль педагогы - Исхакова Фирүзә Ильнуровна "Яратып тәрбияләү" дигән темага бик эчтәлекле, аңлаешлы, тормыштан алынган мисаллар белән, кинофильмнар күрсәтеп чыгыш ясады. Әниләр белән җанлы әңгәмә уздырды. Аның чыгышындагы төп фикерләр : балаларга вакытны күбрәк бүләргә, эшләргә өйрәтергә, бик каты яратып бар нәрсәне дә үзең эшләп бирмәскә, шартлар куймаска, балаңны һәрдаим мактап торырга, аралаштырырга, бер  кысада бикләп тотмаска һ.б. шундый тәрбияви моментлар безнең истә озак сакланырлык булып уелып калды. Әниләр бик рәхмәтле булып, тагы да шундый темаларны яктыртып торуын теләп кунакка дәшеп калдылар. Җыелышның икенче өлешендә укытучылар 1 нче чиреккә йомгак ясады һәм 1 сыйныфларның ияләнү чоры турында фикер алышынды. Тәрбияче әниләрне яңа федераль дәүләт таләпләре белән таныштырды.