Муниципальное бюджетное общеобразовательное учреждение для детей дошкольного и младшего школьного возраста «Бурбаш-Сардыганская начальная школа - детский сад» Балтасинского муниципального района Республики Татарстан/Татарстан Республикасы Балтач муниципаль районы мәктәпкәчә һәм кече яшьтәге мәктәп балалары өчен муниципаль бюджеттагы гомуми белем учреждениесе "Борбаш Сәрдегәне башлангыч мәктәп-балалар бакчасы"
Визитная карточка
Адрес: | 422255 РТ, Балтасинский район, д. Бурбашcкий Сардыган, ул. Г. Гумарова, д. 8 |
Телефон: | +7(843)-683-36-21 |
E-Mail: | Sbsar.Blt@tatar.ru |
Министерство: | Министерство образования и науки Республики Татарстан |
Короткое название: | МБОУ "Бурбаш-Сардыганская начальная школа-детский сад" |
Руководитель: | Шарипова Гульниса Шайдулловна |
Год основания учреждения: | 2010 |
У нас учатся: | 13 воспитанников/ 13 тәрбияләнүче |
У нас учат: | 1 воспитатель/ 1 тәрбияче |
Муниципальное бюджетное общеобразовательное учреждение для детей дошкольного и младшего школьного возраста «Бурбаш-Сардыганская начальная школа - детский сад» Балтасинского муниципального района Республики Татарстан/Татарстан Республикасы Балтач муниципаль районы мәктәпкәчә һәм кече яшьтәге мәктәп балалары өчен муниципаль бюджеттагы гомуми белем учреждениесе "Борбаш Сәрдегәне башлангыч мәктәп-балалар бакчасы" - новости
-
Әниләр бәйрәме җитә! 05.03.2012
Мәктәбебездә 8 март - халыкара -хатын-кызлар бәйрәменә зур әзерлек бара. Укучыларыбыз күңел җылысын биреп үз куллары белән кадерле кешеләре- әниләренә бүләкләр ясадылар һәм аларны котларга - зурлап концерт куярга әзерләнәләр. Шулай ук әниләребез пешергән ризыклардан ярминкә оештырырга уйлыйлар.
7 март көнне 19.00 сәг.тә бәйрәмгә рәхим итегез!
-
Биючеләр бииләр! 24.02.2012
Салавычта булып узган бию конкурсында авыл яшьләре белән бергә укытучылар катнашып уңышлы гына чыгыш ясадылар.
-
Кышкы мизгелләр! 18.02.2012
"Татарстан чаңгы юллары -2012" ярышын без дә хуплап, барлык мәктәп-бакча коллективы белән чаңгыда кышкы урманга сахрага чыктык. Басу-кырлардагы җәнлекләрнең эзләрен күзәтә-күзәтә, кышның сихри кояшлы кочагында барып җиткәнебез сизелмәде дә кебек. Биек таулардан шуып, күңелле уеннар уйнап вакыт тиз генә үтте. Эх, рәхәт шуулар бергәләп!- дип кайтыр юлга кузгалдык!
-
Юлда йөрсәң бул өлгер! 15.02.2012
Бакча тәрбиячесе Энҗе Рафаэлевна "Яшел ут" дип аталган юл йөрү кагыйдәләрен балаларга өйрәтү эшчәнлеге буенча конкурста катнашып уңышлы гына чыгыш ясады. Конкурс куст мәктәпләре арасында оештырылды.
-
Күргәзмәдә безнең өлеш. 08.02.2012
Мәктәп-бакча коллективы Балтач район үзәгендә үтәчәк авыл җирлекләре эшчәнлеген күрсәтү максатыннан оештырылган күргәзмәгә үз өлешен кертте. Аны безнең гөл- чәчәкләребез бизәп торачак.
-
Кошлар безнең дусларыбыз! 27.01.2012
Мәктәбебездә җимлек операциясе эшләвен дәвам итә. Укучылар мәктәп тирәсендә кошларыбызга җим савытлары ясап элделәр. Һәр көн саен һәр җимлеккә төрле азык салып, канатлы дусларыбызны салкын көннәрдә җылытып, сыйлап торалар. Барыбыз да канатлы дусларыбызны онытмыйк, һәрдаим аларга ярдәм итик, саваплы эштә катнашыйк! Аларның чыркылдашып, сөенеп ризык чүпләвен күзәтү күңелгә рәхәтлек, табигатькә ямь бирә.
-
Ут белән шаярма! 18.01.2012
Пожар куркынычсызлыгы темасына үткәрелгән республика конкурсының 1 нче этабында мәктәбебезнең 4 сыйныф укучылары Хөсәенова Айназ һәм Мөхәммәтҗанова Диләрәләр кул эшләре номинациясендә (хезмәт укытучысы Нигаматуллина Рәмзия җитәкчелегендә) район буенча I урынга лаек булдылар. Аларның киләчәктә дә уңышлар яулавын теләп калабыз!
-
Әниләр дәрестә.
13.01.2012
Кышкы каникулдан укучыларыбыз яңа көч - куәт, дәрт өстәп янәдән мәктәпкә җыйналды. Дәресләрдә, мәктәптә баласының үз-үзен тотышын, төрле фәннәрне ни дәрәҗәдә үзләштерүен белү максатыннан һәм дә 2 нче чирек нәтиҗәләре белән танышу өчен әти - әниләр җыелышы булып узды. Алар дәресләрдә булдылар, уңай тәэсирләр, фикерләр белән таралыштылар. Укытучыларның күпкырлы эшчәнлегенә сокланып, эшләрендә уңышлар һәм сәламәтлек, сабырлык теләп, рәхмәтләрен җиткерделәр.
-
Бәйрәм бүген! 30.12.2011
Мәктәптә Яңа ел бәйрәме.
-
Яңа ел котлы булсын! 29.12.2011
Хөрмәтле дуслар! Кадерле хезмәттәшләр!
Барыгызны да якынлашып килүче яңа ел белән котлыйм!
Әлеге искиткеч һәм барыбыз да яраткан бәйрәм уңаеннан иң изге теләкләрне кабул итеп алыгыз! Без бәхет һәм үкенеч, шатлык һәм югалту булган узган елны искә төшерәбез. Һәрберебезнең алар үзенеке һәм без аларны истә тотачакбыз.
Соңгы елларда без үз язмышыбыз өчен җаваплы булырга өйрәндек. Яңа елга кергәндә без барыбыз да үз көчләребезгә ышанабыз һәм киләчәккә өмет белән карыйбыз. Киләчәктә нинди генә авырлыклар булган очракта да без аларны җиңәчәкбез.Яңа ел төне – өметләр вакыты. Мин һәрберебезгә тынычлык, мәхәббәт һәм иминлек, бәхет һәм шатлык, сәламәтлек һәм уңышлар телим!
Яңа ел белән!