Ватан геройлары, Ил батыры көне, РФ Конституциясе көне уңаеннан, күптән түгел генә хәрби хезмәттән кайткан егетләр Инсаф һәм Әмир белән бик эчтәлекле, күңелләргә үтеп керә торган кичә үткәрелде. Аларның сыйныфташлары Ислам исә хәрби хезмәткә чакыру алды. Аңа уңышлар телибез. 

7-9 сыйныфларда бүген "Син коррупция турында ниләр беләсең?" дигән темага тәрбия сәгатьләре үтте.

5-6 сыйныф укучылары "Минем коррупциягә каршы көрәшем" исеме астында плакат ясадылар 

Юл-транспорт фаҗигаләрендә һәлак булганнарны искә алу көне уңаеннан, мәктәбебездә күп төрле чаралар уздырылды. Рәсем бәйгесе - шуларның берсе.

5 декабрь көнне бадминтон ярышына барган команда бу. Җиңү бу юлы бездә түгел, тик иң мөһиме - катнашу. Зур уңышлар аларны әле алда көтә.

Күңелле дә соң кунаклар килгәч, ә алар бүләк тә алып килсә, икеләтә бәйрәм. Ә инде үз хезмәтеңне бәяләп бүләк бирсәләр... Бүген бездә шундый бәйрәм көн. Балтач дәүләт табигый тыюлыгыннан конкурс җиңүчеләрен котларга килделәр. Рәхмәт Сезгә

Сездә туган көн үткәрү йоласы бармы? Ә бездә бар.  Кичә 7 нче сыйныф укучылары бик матур итеп туган көн кичәсе уздырды, җырлап-биеп күңел ачтылар, тәмләп чәй эчтеләр.

Инвалидлар декадасы кысаларында башлангыч сыйныф укучылары арасында Фәнис Яруллин шигырьләрен сәнгатьле сөйләү бәйгесе үтте. 

Билгесез Солдат көне уңаеннан авыл мәдәният йорты белән берлектә дә чаралар үтте.

Билгесез Солдат көне уңаеннан һәйкәл янында митинг уздырылды, укучылар Хәтер шәмнәре яндырды, веноклар салды. Барлык Солдатларны Бер минут тынлык белән искә алдык, һәйкәл янында укучылар постта тора.