8 нче февраль көнне мәктәп буенча чаңгы көне үткәрелде. Укучылар туган як табигатенең матурлыгына сокланып, чаңгы шудылар.

Спорт - сәламәтлек айлыгы кысаларында һәм  Сочида узачак Кышкы Олимпия уеннары ачылуга багышлап 5 февраль көнне традицион "Кышкы кросс-2014" булып узды. Кичке сәгать 7 дә мәктәп яны шау-гөр килде. Кросста барлыгы  166 кеше катнашты.  "Иң кечкенә йөгерешче"   Гарипов Айзат,  "Иң өлкән йөгерешче" Габделхаева Зәнфирә апай булса,  "Иң күп катнашучысы булган гаилә" булып Шәйхиевлар  гаиләсе танылды. 

Башлангыч сыйныфлар укытучысы Әминә Мөхәммәтовнаны булып узган туган көне белән котлыйбыз. Аңа тазалык, бәхет, шатлык-куанычлар телибез. Һәрвакыт шулай яшь һәм матур булып калыгыз!

2 сыйныф укучысы Мифтахов Әсхәт Республикакүләм IT-чемпион конкурсында 185 балл җыйды. Ул үзенә бүләкнең дә кирәклесен -  флэшка сайлап алды. Әсхәткә алга таба мондый конкурсларда катнашырга, күп бүләкләр алырга  насыйп булсын.

Мәктәбебез укучылары "Тамчы-шоу"да катнашып, бик матур чыгыш ясап кайттылар, үзләренең белемле икәнлекләрен исбатладылар. Ә аларны алып барырга ярдәм иткән әти-әниләргә бик зур рәхмәтебезне җиткерәбез.

Бүген тәрбия дәресләре Ленинград блокадасын өзүгә 70 ел тулуга багышланды. Укучыларга бу дата уңаеннан бик күп  файдалы тарихи мәглүмат бирелде. 

25 нче гыйнвар көнне мәктәпнең көрәшчеләр командасы бертуган Әхмәдиевлар призына уздырылган ярышта катнаштылар һәм зур җиңүләр белән кайттылар. Тренерлары: Гобәйдуллин Д.Д.

20-25 гыйнвар көннәрендә узган Сәнгать атналыгына нәтиҗә ясалды, актив катнашучыларга  бүләкләр тапшырылды.

Сәнгать атналыгына  нәтиҗәләр ясалды, рәсем сәнгате буенча актив укучылар билгеләнде. Рәсем укытучысы Гарипова Л.Р. уңай якларга да, тискәреләренә дә бәя бирде.

Музыка укытучысы Аухадиева Ч.Р. 5-9 сыйныфлар өчен "Көйне таны" уенын оештырды. 8 нче сыйныф укучысы Гайфуллина Зөһрә җиңүче булды.