Ниһаять, балалар сагынып көткән, үзенең эссе көннәре, матур чәчәкләре белән сөендергән җәй дә килеп җитте. Ә җәйнең беренче көне иң матур бәйрәм – Халыкара балаларны яклау көне белән башланып китә.

 Шушы бәйрәмгә багышлап һәм җәйне каршылау уңаеннан Азнакайның 3нче “Айсылу” балалар бакчасында “Күңелле балачак” дип аталган бәйрәм узды.

Тәрбиячеләр һәм балалар цирктагы клоуннар булып киенеп, кызыклы уеннар уйнадылар, җырлар башкардылар, биюләр биеделәр. Ә балалар өчен иң кызыгы сабын куыклары кабартып уйнау булды.

Менә шулай шау-гөр килеп, каршы алдык без җәйне. Балаларыбызны бәхетле итеп күрү безнең өчен зур сөенеч. Шуңа күрә иң мөһиме –балаларыбыз сау-сәламәт булсын, балачаклары бәхетле, алдагы гомер юллары шатлык һәм уңышлардан гына торсын.