Театр – сәнгатьнең бер төре. Ул үз эченә әдәбият, музыка, бию, сынлы сәнгатьне берләштерә. Алар әхлак тәрбиясе бирергә, коммуникатив шәхес формалаштырыга, күзаллау, фантазия, инициатива, фикер йөртүгә, туган телне яратырга ярдәм итә. Театр сәнгате аша балалар образлар, тавыш, буяу аркылы әйләнә-тирә белән танышалар, зәвык һәм әхлак тәрбиясе алалулар. Моны һәркем белә. Тормышның көзгесе булган әлеге сәнгать  укучыларны яңа хисләр, белемнәр, күнекмәләр белән баетырга, матур әдәбиятка кызыксыну уятырга, сүз байлыгы, сөйләм телен үстерергә ярдәм итә. Шуларны истә тотып, мәктәптә инде ничә ел рәттән "Энҗе бөртекләре" театр түгәрәге эшләп килә. Түгәрәккә йөргән укучылар һәр бәйрәмдә диярлек чыгыш ясый, тамашачыларны төрле спектакльләр белән сөендереп торалар. Эшләренә бәя буларак, түгәрәккә йөрүчеләр бүген Казан шәһәренә сәяхәткә барып кайттылар. Алар анда К.Тинчурин исемендәге Татар дәүләт драма һәм комедия театрының тарихи бинасын күреп, артистлары белән танышып, спектакль карап рухи байлык тупладылар.  Һичшиксез, укучылар күңелендә әлеге чара бик озак җылы истәлекләр булып сакланыр. Мондый сәяхәтләр киләчәктә күп булсын дигән теләктә калабыз.