Безнең мәктәбебездә “Мәктәп сулышы” дип исемләнгән яшь журналистлар түгәрәге эшләп килә. Укучылар темага кагылышлы фотосурәтләр, рәсемнәр, мәкаләләр язу өчен мәгълүмат туплыйлар. Ай ахырында газетабыз бастырылып чыга.

 “Мәктәп сулышы” газеты мәктәбебезнең укучыларына, укытучыларына һәм ата-аналарга ориентлаштырылган. Ул мәктәбебезнең тормышын, яшәвен чагылдыра. Исеме дә шуның белән бәйле. Бүгенге көндә Instagram, Вконтакте челтәрләрендә эш моментлары күрсәтелеп бара.

Әлегә хәтлек газетабызның эмблемасы юк иде. Укучылар белән нәрсә ул эмблема, анда нәрсә булырга тиеш, нинди төсләр кулланырга икәнлеген киңәшләшкәннән соң бер нәтиҗәгә килдек. Inkscape компьютер программасы ярдәме белән эмблеманы башкардык.

Эмблемада глобус, каурый, китап рәсемнәрен сурәтләдек. Девиз итеп Ф. Яруллинның “Матур итеп сөйләшә белгән кеше матур итеп уйлый белә, матур итеп уйлый белгән кеше матур эшләргә омтыла” сүзләрен кулландык. Ә глобус, каурый, китап рәсемнәре нәрсәне аңлата икән? Бу сорауга дөрес җавап тапкан укучыга приз. Приз - киләсе ай газетында призер укучы турында аерым бер язма! Уңышлар сезгә!