Кәрим Тинчуринның тууына 130 ел тулу уңаеннан, гимназиябездә әлеге олуг шәхескә багышлап, “Без кабызган утлар сүнмәс алар...” дип аталган кичә үткәрелде. Әлеге чарага кунак булып  К.Тинчурин исемендәге Татар дәүләт драма һәм комедия театры артистлары: Татарстан Республикасының халык артисты  Миңнуллина Ләлә Рафаэль кызы, Татарстан Республикасының атказанган артисты Вәлиева Зөлфия Наил кызы, танылган актриса Хафизова Гөлчәчәк Әсгат кызы һәм театр музее мөдире  Чабатова Розалия Вәлиәхмәт кызы килделәр. Алар укучыларның чыгышларын караганнан соң, К.Тинчурин белән бәйле истәлекләр белән уртаклаштылар һәм балаларны кызыксындырган сорауларга җаваплар бирделәр. 

К.Тинчурин театры артистлары белән узган очрашу турында "Салават купере" сайтында укырга була (http://salavatkupere.com/yanalyklar/item/1346-131 һәм контактка: https://vk.com/salavatkupere)