Татарстан Язучылар берлегенең Һади Такташ исемендәге әдәби бүләк иясе, Татарстанның атказанган мәдәният хезмәткәре һәм атказанган сәнгать эшлеклесе, Татарстан Республикасының Г.Тукай исемендәге Дәүләт премиясе лауреаты шагыйрь Рәдиф Гаташ бездә кунакта булып китте. Ул укучыларның сорауларына җаваплар бирде, бүгенге әдәби тормыш, әдәбияттагы проблемалар турында сөйләде. Рәдиф Гаташның шигырь уку осталыгы исә күпләрдә соклану һәм тагын бер кат шагыйрьгә тирән хөрмәт уятты. Әлеге очрашу һәркемнең күңелендә якты хис-хатирәләр калдырды.