Бүген 15 майда - табигатьнең иң гүзәл вакытында Халыкара гаилә көне билгеләп үтелә!  Кеше тормышында гаиләдән дә мөһимрәк бернәрсә юк, шуны онытмагыз!

Бүген без Таш-Чишмә авылында яшәүче үрнәк,тату гаиләләрнең берсе - Сагитов Газимҗан абыйларда кунакта булдык.55 ел бергә гомер итүче әби белән бабай уллары,киленнәре һәм өч оныклары белән бергә яшиләр.Йортларындагы җылылык,кунакчыллык күңелгә рәхәтлелек өсти.Җылы аралашу,уеннар,шаян сүзләр белән очрашуыбыз үтеп тә китте.Әлеге гаиләне әлеге күркәм бәйрәм белән тәбрик итәбез!  Тигезлек, тынычлык, сәламәтлек һәм бәхет телибез. Өйләрегездә һәрвакыт үзара аңлашу, иминлек хөкем сөрсен.