Бүген мәктәбебездә Белем бәйрәме. Бәйрәм тантанасын мәктәп директоры Хисматуллин Рәшит Мәхмүт улы ачып җибәрде.  "Күшәр" күмәк хуҗалыгы җитәкчесе Галиәхмәтов Илнар Илдар улы, спорт мәктәбе директоры Шәрәфиев Радик Ирек улы барлык укучыларны бәйрәм белән котладылар, үзләренең иң изге теләкләрен җиткерделәр. Котлауларга Өҗем авыл җирлеге башлыгы урынбасары Гайнуллина Лариса Павловна, Таш-Чишмә мәчете имамы Зөфәр хәзрәт, Кызыл Утар мәчете имамы Рәшит хәзрәт кушылып, мәктәпкә тәүге тапкыр аякларын атлаучы 1 нче сыйныфларга үзләренең бүләкләрен тапшырдылар. Беренче сыйныфта 4 укучы белем һәм тәрбия алачак. (кл.җит. Гайнетдинова С.Я.) Бәйрәм укучыларның җыр-биюләре, матур шигырьләре белән үрелеп барды.