28 гыйнвар көнне Казан шәһәренең “Тулпар” спорткомплексында беренче тапкыр республиканың аграр профильдә белем бирүче уку йортлары укучылары арасында көрәш буенча ярыш узды. Казан ветеринария академиясе, аграр университет, 7 урта профессиональ белем бирүче уку йортлары арасында Габдулла Тукай исемендәге Әтнә авыл хуҗалыгы техникумы көрәшчеләре бик уңышлы чыгыш ясады.  Көрәш алты үлчәү категориясендә узды: 60, 70, 80, 90, 100 кг га кадәр һәм 100 кг югары үлчәүдә. 411 группа студенты Гыйлаҗев Гадел 60 кг га кадәр үлчәүдә 2 урын яулады. 311 группадан Фәхриев Булат 70 кг кадәр үлчәүдә 3 урын, 31 Т группадан Мөхәммәтҗанов Илсаф 100 кг га кадәр – 2 урын, 412 группадан Фомин Рифат – 100 кг югарырак үлчәүдә 3 урын яуладылар. Әтнә техникумы командасы гомуми-команда зачетында 3 урынга лаек булды. Көрәшчеләр диплом һәм призлар белән бүләкләнделәр. Егетләргә киләчәктә дә уңышлар телибез.