23 апрель көнне Габдулла Тукай исемендәге Әтнә авыл хуҗалыгы техникумында “Матди-техник базаның заманча таләпләргә туры килүен тәэмин итү максатларында һөнәри белем бирү оешмаларына дәүләт ярдәме күрсәтү” программасының үтәлешен анализлау максатыннан чираттагы эшлекле киңәшмә узды. Киңәшмәне Татарстан Республикасы Мәгариф һәм фән министырлыгының дәүләт программаларын һәм проектларын тормышка ашыру бүлеге җитәкчесе Алексеева Т.Г., Татарстан Республикасы Мәгариф һәм фән министырлыгының дәүләт программаларын һәм проектларын тормышка ашыру бүлегенең әйдәп баручы киңәшчесе Хафизова Г.Р. алып бардылар. Киңәшмә вакытында проектны тормышка ашыру эшчәнлеген регламентлаштыручы локаль актларга, инфраструктурага анализ ясалды, остаханәләргә җиһазларны сатып алу буенча конкурс яки килешү процедураларының барышын чагылдыручы документлар каралды. Сатып алулар вакытында килеп туарга мөмкин булган тискәре моментлар анализланды, грантны гамәлгә ашыру буенча киләсе айга планнар билгеләнде. Татарстан Республикасы Мәгариф һәм фән министырлыгының дәүләт программаларын һәм проектларын тормышка ашыру бүлеге җитәкчесе Алексеева Т.Г. үзенең төзәтмәләрен кертте, төпле киңәшләрен бирде.