Бүген 11 декабрьдә Казан шәһәренең Ленин исемендәге мәдәният сараенда Республикакүләм "Идел буе халыклары" фестиваленең йомгаклау концерты булды. Фестиваль ел саен урта профессиональ белем бирүче уку йортлары студентлары арасында үткәрелә. Укучылар халык җырларын, биюләрен башкаралар, кул эшләре эшләүдә осталыкларын күрсәтәләр. Татарстан Республикасы Мәгариф һәм фән министрлыгы тарафыннан оештырылган фестивальдән Әтнә авыл хуҗалыгы техникумы укучылары зур җиңү белән кайтты. "Импульс" бию төркеме 3 дәрәҗә диплом (җитәкчеләре Загидуллин Айрат һәм Фазлыева Миләүшә), "Яшьлек" театр студиясе (җитәкчесе Рафис Сәләхетдинов) шулай ук 3 дәрәҗә диплом белән бүләкләнде. Күпләргә таныш моңлы сандугачыбыз Фирдүс Кабиров гала-концертта чыгыш ясады һәм 1 дәрәҗә диплом белән бүләкләнде. Фирдүснең җитәкчеләре Якупов Рафаэль һәм Шакиров Габделәхәт. Сәнгать өлкәсендә техникум гел яхшы күрсәткечләргә ирешә, бу җиңүләр укучыларның, җитәкчеләренең тырыш хезмәт нәтиҗәсе. Җиңүчеләрне тәбриклибез!